عشرة عمر

-Je t'aime

2007-09-28T15:28:00.001-07:00

Je t'aime

2007-09-27T15:25:00.001-07:00

D’accord, il existaitD’autres fa&ccedilons de se quitterQuelques éclats de verreAuraient peut-ítre pu nous aiderDans ce silence amerJ’ai décidé de pardonnerLes erreurs qu’on peut faire&agrave trop s’aimerD’accord souvent la petite filleEn moi souvent te réclamaitPresque comme une mèreTu me bordais, me protégeaisJe t’ai volé ce sangQu’on aurait pas d&ucirc partagerà bout de mots, de rívesJe vais crierJe t’aime, je t’aimeComme un fou, comme un soldatComme une star de cinémaJe t’aime, je t’aimeComme un loup, comme un roiComme un homme que je ne suis pasTu vois, je t’aime comme &ccedilaD’accord, je t’ai confiéTous mes sourires, tous mes secretsMíme ceux, don’t seul un frèreEst le gardien inavouéDans cette maison de pierreSatan nous regardait danserJ’ai tant voulu la guerreDe corps qui se faisaient la paixRefrainJe t’aime, je t’aimeComme un fou comme un soldatComme une star de cinémaJe t’aime, je t’aime, je t’aime, je t’aime, je t’aime, je t’aimeComme un loup, comme un roiComme un homme que je ne suis pasTu vois, je t’aime comme &ccedilaTu vois je t’aime comme &ccedila

My loveEvidently we knewOf better ways to say goodbyeBut whenever love is throughHearts need to find a reason whyLost inside the mazeI dreamed of you and I forgaveThe things we do for loveWhen love is allRepeatedly, it’s trueThe child in me would long for youAnd readily you’d giveTo set me free you’d mother meI crept into your soulBefore I knew that it was wrongLost for words and dreamsI’m gonna screamMy love, my loveI love you innocentlyLike a star upon a screenMy love, my loveI need you eagerlyLike the man I will never beMy love I love you soSo wrong to place in youAll of my dreams, all of the painToo late now to undoI shoulda known there’d come the rainTrapped inside the gatesWe danced the night through satan’s gazeMy love, oh how I yearnedTo feel the burn of your caressRefrainMy love, my loveI love you innocentlyLike a star upon a screenMy love, my love, my love, my love, my world, my soulI need you desperatelyLike the man I will never beMy love I love you soMy love I love you so

2007-09-24T17:51:00.000-07:00

حاسة أن الحل فى التجديد بس ازاى يا ترى بيت جديد ولا ناس جديدة ولا السفر

الفكرة دى بتلح عليا بقالها فترة وحاسه انى هرتاح لو عملت كده بس يعنى السفر بعيد كده وانا لوحدى بس انا مقدرش اعيش من غير حد من غير ناس مع انى بعشق الهدوء والاحساس بالخصوصيه فى عالم كل يوم بتحارب علشان تحس بشويه خصوصية ولو صغيريين مش عارفه بس انا عاوزة اسافر ولومش حسيت براحة مهو انا هرجع

بس هيكون بعد ايه بعد ما هكون خسرت حاجات كتير مهو يا السفر يا الحاجات الكتير افتكرت وانا بكتب كده الفيلم التسجيلى اللى اسمه مكان اسمه الوطن كان جامد مووت والشخصيات الاربعة فيهم حاجات منى بس كل واحد منهم كان عنده هدف يسعى لتحقيقه من خلال السفر يعنى السفر كان وسيله مجرد وسيله

انا محتاره ربنا يهدينى للحل الاحسن انشاء الله

الاختيار

2007-09-17T16:11:00.000-07:00

على أى أساس ممكن الانسان أنه يختار هل على حسب معاييره هو واللى يناسبه ولا من وجهة نظر المجتمع اللى عايش فيه ولا اللى بيتحكم فى الاختيار ده هو نوعيه الاختيار نفسه على حسب الاختيار فى ايه يعنى ولا ايه وساعة ما تختار مش المفروض انك تتأثر برأى أى حد ولا من المفروض أنك تضع رأى الناس فى اعتبارك ولا مش كل الناس على حسب اهميتهم فى حياتك بجد ايه هى معايير الاختيار هل هى شخصيه بحته ولا ايه ولو فرضنا هوى نفسك متجه نحو اختيار معين ولكن انت عارف انه عقلانيا مش هو ده الصح ايه العمل وقتها ايهما ارجح هوى نفسك ولا عقلك ولا ايه ولا مجرد انك تاخد راى حد موثوق فيه يبقى خلاص ورايه هو الخلاص بالنسبه لك بلاش كده طيب ايه العمل بقى لما انت شخصيا تبقى عاوز الاختيارات كلها وكلها مناسبه و هايله وتحفه وتعتبر بدايل لبعضها ايه الحيره دى وامتى اقدر اخد قرار ومش احس انى ندمانه انى اخدته ايه برده المعايير اللى هيستند عليها عدم احساسى بالندم

انا اكتشفت مؤخرا احتياجى السريع للذهاب لاستشارى علاج نفسى بجد

انا مجنونه

2007-09-17T15:44:00.000-07:00

هو لازم يكون فى عنوان

هى دى مشكلتى السؤال ده فتح حاجات كتير قوى قوى جوايا وفكرت أتكلم فيها معايا وهى أنه أيه فى حياتى ليه عنوان بصيت كده ملقتش فعلا أى حاجه ليها عنوان كل حاجه بمعنى فعلا كل حاجه نبتدى منين من الاهل ناس كويسين جدا عاوزيين يريحونى جدا بس أيه عنوانهم فى حياتى بيدخلوا وقت ما يكونوا عاوزيين يدخلوا وأوقات كتير ممكن أبقى محتاجه لتدخلهم ومش بلاقيهم لانهم من وجهة نظرهم أنا اللى لازم أخد القرار وأنتى حرة ودى حياتك طيب الناس دى عنوانها ايه فى حياتى !!!!!!!!!!!! مش عارفه بجد مش عارفه أنا بحبهم

أه بحبهم جدا و مقدرش أستقل بحياتى عنهم أه دى حقيقة بس ولكن وكل الجمل الاعتراضيه اللى فى الدنيا تنط فى دماغى يا بنتى ايه عنوانهم طيب دول أهلى ومين كمان أصحابى هم فين أصحابى ياااااااااه وحشونى قوى وحشتنى لمتنا وكلامنا وضحكنا اللى كان من غير حساب بجد كان على طول الله هى فين الايام دى هى ليه عدت بسرعه وبرده الناس دى عنوانهم ايه دلوقتى ممكن أكون عارفه بس تايهة لانهم هم كمان تايهيين فى نفس العنوان هم فى المتاهة والطاحونة بتاعة كل يوم ودول اصحابى انا بحبهم قوى ومحتاجة لهم قوى قوى بس هم فين

طيب مين كمان الحبيب هو فين الحبيب اللى بيعوضنى عن كل الناس دى دنيتى الجديدة اللى بحلم بيها

اه ده انا كنت ناسيه انا فعلا حلمت بيها كان حلم كبير قوى قوى وراح فين

ساعات بحس انى عندى ازدواج فى الشخصيه بس عمرى ما بصيت فى المرايا ومش حبيت البنى ادم اللى قدامى على طول أصحى وابص فى المرايا وأقول لنفسى انك حلوه وقويه وكمان زكية بشجع نفسى على حرب اليوم الجديد حرب فى كل حاجه فى الشغل والبيت والمشاعر وكل حاجه نرجع للحبيب اللى برده اسال عنه واقول هو فين عنوانه

اه عنوانه انا عارفاه بس خايفه لان اللى سكن العنوان مش انا وليه مش انا مش عارفه وحلمى وبيتى والركنه اللى بحبها ليه حد تانى ياخدها طيب هو الحد التانى ده حلم بيها معاه لا مش حلم تعب فيها معاه لا مش تعب طيب ليه وفى الاخر كمان لقى عنوانه من غير تعب انا هنا بحس فعلا ان عندى شخصيتيين واحده بترفض حاله السكون والهدوء اللى ملوش معنى ده والتانيه عاوزاه بكل الموت اللى فيه انا تعبانة نفسى الاقى لحظه خلاص

ايوه هى لحظه الخلاص من كل ضغوطى وتعبى واحساسى اللى جوايا انا نفسى ياااااااااااااااااااااااااااااااااااااه الكلمه دى بطلت اقولها من زمان قوى من ساعه ما مشى مشى بعيد قوى بجد نفسى اعيش فى مكان هادى من غير ناس من غير تعب من غير دوشه ولاضغوط ولاطلبات ولا حد بيدور انه ياخد وبس نفسى وساعتها هوده العنوان اللى طول عمرى بدور عليه العنوان هو الامان

الامان دى كلمه غاليه ليها مفردات كتير ولسه مستمره فى رحله البحث عنها وانشاء الله هلاقيها انشاء الله

ياااااااااااااااااااااااااااااارب

سراب

2007-08-05T15:20:00.000-07:00

بصيت ورايا لقيت سراب أدور على أى باب افتحه يا نهار أبيض ده مفيش أبواب أيه ده أزاى أنا بقيت هنا وليه مش هناك أنا بصيت من بعيد كده هنا هناك شايفين اهم هناك اهم فيه مجموعتين شويه هنا وشويه على الناحيه دى متجمعين أنت مين ؟؟؟؟ مهو أنا أصلى لازم أسال من يومى بيقولوا عليا فطين المهم نرجع للحكايه وأنتم مين قالوا أحنا اللى الدنيا هتدينا ومش هنعرف نودى فين طيب وأنت بقى تطلعوا مين خلى بالكم دول الناس التانين ردوا وقالوا احنا اللى الدنيا خدت منا والله مااحنا عارفين

بصيت كده ودققت عارفين لقيت نفسى فين لقتنى لوحدى وببص فى المرايات الكتير اللى حواليا مرصوصين وقلت احمدك يا رب على اللى انا فيه والا غير كده هنبقى جاحدين

وعجبى

مش عارفه

2007-07-03T14:09:00.000-07:00

بطلت أكتب ليه مش عارفه حالة من الشلل الدماغى جتلى بس طولت شويه كانت هى المتنفس عندى بس ايه اللى حصل برده مش عارفه
على فكرة انا مش باكتب علشان حد يقرالى لا انا بكتب علشان انا بحس انى عاوزه اكتب
طيب اللى فات مكنش فيه حاجه تتكتب
لا
يمكن ده كان اكتر حاجه عاوزة تتكتب لكن !!!!!! كلمة لكن اول مرة اعرف انها جميله قوى كده يمكن بنخبى كلام كتير جواها او تحتها برده مش عارفه
طيب ايه اللى خلانى ارجع اكتب تانى اى كلام ايوه انا بقول دلوقتى اى كلام انا تقريبا هيست من كتر الشغل انا هاقوم انام تصبحى على خير يا بونبونى دى انا
والله انا اتجننت باى
اه على فكرة انا مكنتش غايبه عنكم انا كنت بدخل اقرا وبس لكن مكنتش عاوزة اكتب وبس على العموم انتم وحشتونى وبس باى

2007-03-04T08:24:00.000-08:00

وتسقط بيننا الايام

ويمضى العام .........بعد العام ...............بعد العام

وتسقط بيننا الايام ويصبح عمرنا سدا ويصبح حبنا قيدا

وحلم بين أيدينا حطام رماد أنتى فى عينى

بقايا من حريق ثار فى دمنا

ويمضى العام ...........بعد العام ............بعد العام

فلا أنت التى كنت و لا انا فارس الاحلام

فاروق جويدة

2007-02-26T14:54:00.000-08:00

لا تشعرنى أن عمرى كان عندك ليله ثم انتهت ومضى كما يمضى الزمن فالعمر بعدك لحظه خرساء تسبح فى الوجود بلا وطن

لا تشعرنى اننى اصبحت يوما عابرا وطويته

انا لا ابيع العمر يا عمرى ولا ارضى الثمن العش تحمله الرياح يضيق وجه الارض ترتعد الطيور تدور تبحث عن سكن

ماذا سيبقى الحزن فى قلب جريح غير أطلال الشجن

مازلت أذكر وجهك حين اتيت خلف الليل نهرا من شعاع كم كان طيفك يحتوينى من ظلال الخوف كيف الان يلقينى الى هذا الضياع

أمضى على الطرقات وحدى ألعن الاقدار ألقى بعض اخفاقى على هذا الجدار لا تشعرنى أننى صليت فى بيت ردىء ثم أخطات المكان

انى جعلتك توبتى فلقد رايتك فى صلاتى بعض ايمانى رايتك فى ضياعى امنيه لا تشعرنى ان حبك كان اكبر معصيه قول سئمنا ربما

قول كرهنا ربما قول بانى كنت وهما او خيالا فى حياتك

لكن ..........................بربك لا تقول أن عمرى كان عندك ليلة من امنياتك ما عدت أملك من زمانى غير ما عشنا معا

لا تشعرنى أننى ما كنت شيئا غير تأكيد لذاتك

من ترى ارتكب الجناية ؟؟

الحب عندى كعبة والحب بين يديك يا عمرى هواية الله يعلم أننى وهبتك كل ما عندى

وصدقت الحكاية ان كنت عندك ليلة

قد كنت فى عمرى النهاية ..............................والبداية

فاروق جويده

لحظة فراق

2007-02-26T14:48:00.000-08:00

عندما اراه احس بان الكون يبنى من جديد

عندما اراه اشعر بان حلمى سوف يتحقق اكيد

ولكن................................لا

لا تدوم هذه السعادة الا لحظات

حتى اشعر بالخوف من جديد

اكتشفت فجأه انك يجب ان ترحل عن حياتى

لانك يا حبيبى اصبحت كل عذاباتى

hurted soul

2007-02-26T14:27:00.000-08:00

when i am with him

he takes my hands with his

how lovely such a feeling !!!!!!!!!!!

how nice it is !!!!!!!!!!!

he lets me hear loving words i never heard before

he does such lovely things that let me love him more

we together build dream we have never built

we together feel such feelings we have never felt

he with me as one will nothing fear

we together our boat will always steer

احساس

2007-02-22T17:28:00.000-08:00

أحس بأنى أهواك بكل نبضه فى عروقى بكل قطره فى دمى

لا أعرف لماذا استثارانى هذا الشعور

ربما عندما نظرت لى أول مرة أو ربما لانك شعرت بى من أول نظرة

ولكن هيهات يا قلبى

أمرة أخرى تعيد الكرة ألم تندم على ما فعلته بى ألم تشعر بأنك تدين لى؟؟

ولكن أسمع ها هى دقاتك تعلو من جديد ها أنا ذا أشعر بأنك سعيد

نعم بكل تأكيد عندما أراه والتفت له

عندما أسمعه وأحس به

عفوا .............. استحلفك بألا تستاء

نعم يا قلبى

من دون استحياء فأنى احبه جد احبه

صدقنى

لن أصدمك فى هواه فبحق أحسست بأنى أهواه

وكانت أيام

2007-02-22T17:14:00.000-08:00

لم أقدر على مواجهة هذا الشعور وحدى لا اعرف من سيلقى نفس المصير بعدى

لا الومك على ما ليس لك ذنب فيه ولكن ارجوك ان تراعى بلا فى

فانا لم اعد قادرة على مواجهة هذا الشعور فكل ما افعله تقابله انت بكل فتور

ماذا افعل يا ربى فى قدر محتوم فصراخى بداخلى تحول الى انين مكتوم

اسمع اغانى الحب وكلمات الغرام واعود واسمع اياها فى حال الخصام واتسأل ؟؟؟؟

هل حالهم كحالى ؟

أم أنا وحدى هنا اواجه تلك الالام وانت هناك غير مبالى باى صراخ او حتى كلام

الى متى ستظل هكذا تضع على عينيك سحابات الغيام

أفق قبل أن تذهب الايام ولن تجنى سوى الحسره والالام

أهى مثل الالامى

أم انك مستمر لا تبالى

نعم ................ أخيرا قد انتصرت

جعلتك شهيد أيامى

فوداعا أمير أحلامى

فلا انا التى كنت ولا انت فارس حتى ايامى

لحظات

2007-02-22T16:48:00.000-08:00

ما أجمل هذه اللحظات التى امضيتها فى عشقك

كانى اسير فى بحر ملىء بالاشواك يملؤه ظلك

لا استطيع الرجوع وهذا لانى عنيده مثلك

بل من الممكن لانى احب ان اكون مثلك

شىء غريب ان تتملكنى فى مثل هذا الوقت القصير

لا اعرف بما افسره...................... ولكنى على ما اعتقد

لا فخجلى يمنعنى من ان اقول

هل ابوح ؟

هل ستسمعنى ؟

هل ستصدقنى ؟

ثم ماذا

ها انت من جديد تعيد عليا اسئلتك وانا لا اعرف بماذا اجيب

هل اقول انى احببته ها هى الكلمات تتردد فى صدرى ها انا ذا اسمع صداها يتردد بداخلى

اصتنت ............................ استمع....................... لا تحدث حتى نبضك

اموت اموت وتحيا الرومانسية

2007-02-22T08:19:00.000-08:00

انهارده انا عايزه اقول حاجات كتير قوى فعلا كتير ممكن تكون جوايا من زمان بس يمكن مكنش عندى الجرأه انى اصارح بيها نفسى يمكن

او يمكن لانى بقيت حاسه انها زى ما تكون مرض او ورم خبيث فى زمانا ده لابد وعلى وجه السرعه استصئاله لان بصراحه المريض اللى هو انا خلاص بيموت اه بيموت من انه حاسس انه غريب وسط حاجات كتير قوى حواليا

مره واحد قالهالى انتى مش عايشه فى المدينه الفاضله بس طيب اعمل ايه وانا لسه قايلها لامى انتى ربيتنا غلط كان لازم تطلعينى ازاى اعرف انتهز الفرص بكل اشكالها بس طيب هاعمل ايه مهو لازم نتعلم ننتهز الفرص ونكذب ونعمل حاجات غلط كتير ونبقى فريش بعد كده والضحكه من هنا لهنا

كل ده كوم وانا كوم تانى انا غارقه فى بحر من الرومانسيه الحياه عندى لازم تكون ورد وشموع وفيروز بتغنى اعطنى الناى وغنى وانا هايمه فى دنيا الخيال اه والله انا فعلا ساعات بحس انى بحب على نفسى

مش مهم انه يكون شخص بعينه بس اهو الحب للحب

اه والنعمه مع انى والله والله ما انا شخص تافه ولا مش عارفه واجباتى بس اعمل ايه فعلا مش بحس بنفسى تلاقينى كده فى حاله هبل متناهى لما اسمع اغنيه مثلا كلها معانى جميله وكلها احساس مش عارفه ليه حاسه انى لو لقيت فى يوم بتاع الفجل اللى على الناصيه بيبيع الفجل باحساس هحبه

بس يمكن اللى بيخلينى كده المعنى نفسه انا مش بلاقى حد مخلص فى حبه انهارده الناس قبل ما تدى بتفكر هتاخد ايه وازاى ودايما شاغله تفكيرها بانها تخلى اللى قدامها ازاى شبها ودايما تحاول تعرفه هى بتحب ايه ويمكن احيانا بتجبره انه يحب نفس الشىء اللى بيحبه مش عارفه

انا شايفه انه لو كل حد ساب التانى زى ما هو وكمان لو مفكرش هو هياخد ايه لو بس نفكر احنا هنقدر نديله ايه هنديله حب واهتمام وعطف وحنيه وحاجه تدفعه لقدام ولا هناخره ونتاخر معاه

مش بقول الانكار والتضحيه احنا مش بنمثل فيلم الارض بس يا ريت جهودنا المبذوله فى التغير لكل طرف من التانى نحاول ندخرها فى العطاء

نحاول نفكر شويه ازاى هندى مش ازاى ناخد ونستنزف مشاعر اللى قدامنا

انا!!!!!!!!

انا بحلم بحب حلو بمعنى كلمه حلو يعنى لذيذ يخليك دايما حاسس انك فى نشوه من احساسك حتى فى عز مشاكلك برده بتحبه بتحس ان روحك راحت منك لو غاب عنك

عجبتنى كلمه حلوه قوى فى الفيلم بتاع دم الغزال (هى لما بتفتح شباكها الشمس بتطلع) انا كمان مستنيه شمسى تطلع لما الاقى اللى يستحق انها تطلع علشانه

دعينى أحبك

كى اتخلص من فائض الحزن فى داخلى

وكى اتحرر من زمن القبح والظلمات

دعينى أنام بجوف يديك قليلا

أيا أعذب الكائنات

فبالحب ..... يمكننى ان اغير هندسة الكون

يمكننى ان اقاوم هذا الشتات

نزار قبانى

يا بنتى بطلى الرومانسيه دى بقى

اه دى يا جماعه كانت اختى الكبيره بتطلق صرخه استغاثه للكون منى ومن رومانسيتى

بس ولا يهمنى

اموت اموت وتحيا الرمانسيه

رمسيس رمسيس

2007-02-19T17:44:00.000-08:00

انهارده كانت رحله العجائب داخل الميكروباص العجيب اللى كنت راكباه وجايه من مدينه نصر فعلا كانت عجيبه

لاول مره فى حياتى انظر النظره دى سواء للميكروباص او نوعيه الركاب اللى من كل حدب وصوب

اولا الميكروباص كان بينده غمره عباسيه وانا كنت عايزه اركب رمسيس قلت مفيش مشكله هانزل العباسيه او حتى غمره وهتصرف من هناك بس واضح ان ضغط الركاب ورغبتهم الملحه اثرت بقدره قادر فى السواق وقام مغير الوجهة ويلا رمسيس رمسيس ويلا يا جماعه وهجوم غير طبيعى من جميع الفئات البيه والباشا وبنات وولاد مزوغين من الجامعه وحاجه فل

انا طبعا كنت ركبت من الاول ولحقت نفسى قبل الزحمه من ايام ما كان بينده غمره وركبت فى موقع استراتيجى متميز ولكنى اكتشفت انه غير استراتيجى بالمره عند نزولى

المهم سيبكم من ده كله المهم الحكايات اللى بتدور جوه فعلا عالم تانى اللى قاعد جنب البنت بتاعته وبيظبطها وياكل دماغها وانا هاموت واقلها يا بنتى بيضحك عليكى بس وانا مالى يا واد طنش خالص شوف الحكايه ايه وفجاه دبت خناقه ما بين التباع واحد الركاب وكانت نقطه الخلاف على مكان النزول المتعاقد عليه حسب دفعه الاجره المدفوعه مقدما انا قللتلك هنا بس انا سمعتك بتقول هنا اللى يغيظ بعد الخناق ده كله والصوت العالى انه ما بين هنا وهناك مفيش كام متر يا اخوانا والحمدلله انتهت

فجاه ركب احدى الاشخاص وابدى كامل تعاونه فى لم الاجره وتوصيلها للسائق المتفنن فى اصطياد المطبات والحفر لما روحى طلعت وهو متفاعل مع حبيبى روح السماره لحميد الشاعرى لما خلانى كرهت حميد والسمر فى يوم واحد

اخبار ماتش الاهلى ايه انهارده والله مش عارف هيبتدى الساعه كام انهارده وابتدى الكلام عن الكوره واللى يموت من الضحك انه مكنش فى اى ماتشات من اى نوع فى اليوم ده بس هى عادتنا ولا هنشتريها نحب نفتى فى كل حاجه وفجاه دخلوا فى السياسه وايران والعراق والمؤامره الامريكيه الدنيئه اللى كانوا محسسنى فيها انهم يعنى متفاجئين من اللى حصل ومش عايزيين يعترفوا انهم واكلين العبيطه والمستهبله بالكريمه كمان والرئيس الله يرحمه اللى اتغدر بيه يا عينى فى عز شبابه

فجاه احد الركاب يزعق مع السواق على انه لازم يغيرله النص جنيه المقطوع اللى ادهوله يا عم يهديك يرضيك ابدا طيب حد معاه نصين يا جماعه وابتدت رحله البحث عن نصين محترمين للاستاذ المبجل صاحب النص المقطوع ونسيوا العراق والدنيا واللى فيها واهتموا بقضيه النص المقطوع

اه نسيت اقولكم ان اللى كان قاعد جنبى مكنش عاجباه حاجه ابدا كل شويه يخبط على ايديه ويتعجب سواء كان من الركاب او من سرعه السواق او والله ما انا عارفه تقريبا كده من الدنيا واللى فيها واللى مراته كلمته وادتهمله على الموبايل والراجل هيبوس ايديها طيب ادينى فرصه هانزل واكلمك ادينى تلات دقايق بس وهانزل اكلمك وهى راسها والف جزمه انه ابدا لازم تتخانق وفات فوق التلات دقايق عشره كمان والراجل يتحايل واللى قاعد جنبى بيضرب كف على كف ويتعجبوانا مش قادره عايزه اضحك مش عارفه ليه ساعتها افتكرت فيلم ما بين السما والارض بس ده كان هيبقى اسمه ما بين غمره ورمسيس وتخيلت نفسى عندى قدره خفيه انى اعرف كل واحد بيفكر فى ايه لقيت انها حاجه متعبه قوى ولقيت انه يا نهار ابيض وممكن حد يعرف ايه اللى فى دماغى يا خبر ابيض الحمدلله اننا كده دى كانت هتبقى مصيبه يلا الحمدلله انها جت على قد كده

واخيرا حان ميعاد النزول ونزلت بعد معركه مجاهده فيها اللى طالع واللى نازل بس نزلت وانا على وشى ابتسامه عريضه مش عارفه ليه ولقتنى بقول لنفسى هى دى مصر يا عبله

همسات

2007-02-18T11:54:00.000-08:00

كان حلما . فارس على حصانه الابيض... يخطفنى الى جزيره مسحوره ... تنتظرنا حوريات جميلات على حافة البحيرة ...تستقبلنا بالرقص والغناء والشموع الى ان كنت نائمه ذات ليل فاذا بهاتف يجيئنى اسمع صوته ولا اراه فلما افقت من نومى حدثنى قلبى بان هذه الرؤيا سوف تتحقق ! عندما وجدتك كنت انا التى بدات بالهجرة اليك .... استقر حبك فى قلبى ورمانى بسهم العشق ... رحت القاك عند شجرة الرمان .... هى اجمل الاشجار لانها فى كل الفصول تبقى ابدا .... تناجى القمر فينقسم نصفين نصفه لى ونصفه لك وبنيت لك معبدا بين ضلوعى .... اعدلك فراشك من كتان رقيق وملاءات معطره ... ارتدى لك ثوبا من الحرير الملكى الرقيق بخلاصه العطور الملطفه الشافيه ... ارتمى على صدرك واحلم بليله العرس والعشق الحسى الذى يبدو خجولا! ذات ليله صليت لله اسال عنك فوجدتك مجرد اكذوبه تتكرر على مدار الازمنه ... انك تكذب وتخون .... تريدنى ظلا لك ... اتكلم بلسانك امسح دموعك المتساقطه ... لا اثقل دماغك بانكساراتى وهزائمى تريدنى مطيعه اعد لك طعامك وثيابك .... تاخذنى كلما شئت ... وانا اعشق الحريه اريد ان اعيش حرة اسبح فى نهر عذريتى الابديه يا اميرى .... لن ادعك تدخل محارتى وابدا لن اكون جاريه لرجل حتى لو كنت انت .... لكنك لن تنسانى .... ابدا لن تنسانى سوف تجدنى فى كل الحكايات والطرقات والليالى والنهارات ... سوف تسمع صوتى فى تغريد الطيور المهاجرة وترى ملامحى مرسومه بالنور على وسادتك

فيروز

2007-02-18T11:36:00.000-08:00

الاغنيه دى انا بحبها جدا لفيروز (عندى ثقه فيك) عامه فيروز بتغير المود خالص وبتخدك لدنيا تانيه سواء اغانيها العاطفيه او الوطنيه او اى حاجه تقولها واغانى كتيره كتيره

انا بحب كذبك حلو واللى يضحك فى الاغنيه دى بالذات انه اول مره اسمعها كان خطيبى هو اللى سمعهالى واللى يضحك اكتر اننا سبنا بعض لانه كان بيكذب عليا

بحب فيروز لان اغانيها تقريبا كتير قوى منها مرتبط عندى بذكريات خاصه سواء جمله او كلمه

اغنيه شادى مثلا افتكر وانا صغيره انى كنت متعاطفه جدا جدا مع شادى بس مكنتش مدركه انه مات او استشهد يعنى بس كان صعبان عليا جدا واغانى كتير وكل واحده بموقف ومرحله ويمكن هى اكتر واحده ماثره فى شخصيتى وتركيبتى ووجدانى

2007-02-15T15:25:00.000-08:00

انا هنا اذن انا موجود